Fréttir
Nýjar reglur um rafræna vöktun og breyting á reglum um tilkynningarskylda og leyfisskylda vinnslu
Í dag voru birtar í B-deild Stjórnartíðinda nýjar reglur um rafræna vöktun og reglur um breytingu á reglum nr. 698/2004 um tilkynningarskylda og leyfisskylda vinnslu persónuupplýsinga.
Í dag voru birtar í B-deild Stjórnartíðinda nýjar reglur um rafræna vöktun og reglur um breytingu á reglum nr. 698/2004 um tilkynningarskylda og leyfisskylda vinnslu persónuupplýsinga. Reglurnar verða því bindandi á morgun, 6. október, sbr. 2. mgr. 8. gr. laga nr. 15/2005 um Stjórnartíðindi og Lögbirtingablað.
Hinar nýju reglur um rafræna vöktun fela ekki í sér grundvallarbreytingar, en er ætlað að einfalda og skýra gildandi leikreglur, auk þess að taka mið af þeirri reynslu sem komin var á eldri reglur um rafræna vöktun, nr. 888/2004.
Breyting á reglum nr. 698/2004 snýr að 2. mgr. 5. gr. reglnanna og felur m.a. í sér það nýmæli að vinnsla persónuupplýsinga með kerfisbundinni hljóðritun símtala er ávallt tilkynningarskyld.