Heimsókn mannréttindafulltrúa Evrópuráðsins

5.7.2005

Mannréttindafulltrúi Evrópuráðsins, Alvaro Gil-Robles, kom í heimsókn til Persónuverndar ásamt sendinefnd sinni, þ.e. Manuel Lezertua, forstjóra skrifstofu mannréttindafulltrúans, og Lauri Sivonen. Þá voru með í för Ásgerður Ragnarsdóttir úr dóms- og kirkjumálaráðuneytinu og Sigríður Jónsdóttir úr utanríkisráðuneytinu, auk Ragnhildar G. Richter frönskutúlks. Þórður Sveinsson, lögfræðingur, flutti stuttan fyrirlestur um Persónuvernd og starfsemi hennar, sem og mál sem hafa verið í deiglunni nýlega. Þá svaraði Sigrún Jóhannesdóttir, forstjóri, spurningum mannréttindafulltrúans um hin ýmsu málefni.