Málþing um rafræna vöktun á evrópska persónuverndardaginn, miðvikudag 28. janúar 2015
Persónuvernd, í samvinnu við Mannréttindastofnun Háskóla Íslands, efnir til málþings á evrópskra persónuverndardaginn. Málþingið verður haldið í sal Þjóðminjasafns Íslands, Suðurgötu, miðvikudaginn 28. janúar nk. og hefst klukkan 13.30 og er opið öllum.
Hér má finna nánari upplýsingar um dagskrá málþingsins.
Persónuvernd, í samvinnu við Mannréttindastofnun Háskóla Íslands, efnir til málþings á evrópskra persónuverndardaginn. Yfirskrift málþingsins er "Rafrænt eftirlit - hvað má og hvað ekki?"
Notkun eftirlitsmyndavéla og rafræn vöktun færist í stöðugt í aukana í íslensku samfélagi bæði í starfsemi fyrirtækja og opinberra aðila, svo sem í öryggis- eða löggæslutilgangi. Með rafrænni vöktun er átt við vöktun sem er viðvarandi eða endurtekin reglulega og felur í sér eftirlit með einstaklingum með fjarstýrðum eða sjálfvirkum búnaði. Þetta hefur vakið upp spurningar um hvort vegið sé að stjórnarskrárverndaðri friðhelgi einkalífs og persónuvernd þeirra sem eftirlitinu sæta, hversu langt má ganga í slíku eftirliti og meðferð myndefnis sem þannig safnast. Á málþinginu verður rætt um nokkrar hliðar rafræns eftirlits, kosti þess og galla og hvaða skorður því eru settar samkvæmt lögum og reglum.
Betri upplausn af dagskrá málþingsins má nálgast hér.
Málþingið verður haldið í sal Þjóðminjasafns Íslands, Suðurgötu, miðvikudaginn 28. janúar nk. og stendur frá kl. 13.30 - 16:00. Léttar kaffiveitingar verða í boði og er málþingið opið öllum. Ekki þarf að skrá sig sérstaklega.