Meta IE sektað um 1,2 milljarða evra

23.5.2023

Írska persónuverndarstofnunin (DPC) tilkynnti í vikunni að stofnunin hefði lagt 1,2 milljarða evra sekt á Meta IE í kjölfar rannsóknar stofnunarinnar á Facebook. Sektarákvörðunin var tekin í kjölfar bindandi ákvörðunar Evrópska persónuverndarráðsins (EDPB) þar sem stofnuninni var gert að gera tilteknar breytingar á ákvörðun sinni. Ákvörðunin varðaði flutning Meta IE á persónuupplýsingum til Bandaríkjanna á grundvelli staðlaðra samningsskilmála. Þá voru Meta einnig veitt fyrirmæli um að færa vinnsluna, að því er varðar flutning úr landi, til samræmis við kröfur reglugerðarinnar.

Um er að ræða hæstu sekt sem lögð hefur verið á vegna brota gegn evrópsku persónuverndarreglugerðinni.

Hér má lesa fréttatilkynningu EDPB um málið.