Ættartengsl skilanefndarmanna; leyfisumsókn

Persónuvernd hefur svarað erindi manns sem óskaði eftir leyfi til að nota ættfræðigagnagrunn til að rannsaka hugsanleg ættartengsl milli manna. Eins og á stóð taldi Persónuvernd ekki verða séð að leyfi stofnunarinnar þyrfti til þessa, enda kom ekki fram að unnið yrði með upplýsingar um einkalífsatriði á borð við ættleiðingar, fóstursamninga, samvistarslit og hjónaskilnaði. Ef svo bæri undir - og hvorki væri byggt á samþykki né unnt að fella vinnsluna undir sérstaka lagaheimild - þyrfti hins vegar slíkt leyfi.

Svar Persónuverndar, dags. 21. janúar 2013, í máli nr. 2012/1436.