Persónuvernd hefur veitt umsögn um frumvarp til laga um breytingu á fjarskiptalögum. Í frumvarpinu er m.a. gert ráð fyrir að starfræktur verði starfshópur (CERT-ÍS) sem myndi hafa víðtækar heimildir til að skoða samskipti á Netinu án dómsúrskurðar. Persónuvernd telur að ávallt skuli afla dómsúrskurðar áður en slík skoðun fer fram. Þá telur hún of margt óljóst varðandi hina tæknilegu framkvæmd, og að í þeim efnum þarfnist frumvarpið frekari skoðunar.

Lesa meira

Persónuvernd hefur úrskurðað í máli manns, sem kvartaði yfir því að tiltekinn úrskurður var birtur í Læknablaðinu og á vefsíðu. Persónuvernd taldi að siðanefndinni hefði verið óheimilt að birta úrskurðinn með þeim hætti sem gert var. Lesa meira

Persónuvernd hefur lagt fyrir ríkislögreglustjóra og Útlendingastofnun að móta verklag sem tryggir að fari verði að fyrirmælum reglugerðar um eyðingu upplýsinga sem færðar eru í s.k. Eurodoc-gagnagrunn. Upplýsingum í grunninum, sem varðveittar eru án heimildar, skal eytt. Um  er að ræða fingraför hælisleitenda, ólöglegra innflytjenda og þeirra sem handteknir eru í tengslum við ólöglega för yfir ytri landamæri Schengen en hafa fengið dvalarleyfi eða ríkisborgararétt.
Lesa meira