Þínar upplýsingar, þín réttindi
Hlutverk Persónuverndar er að gæta hagsmuna almennings þannig að mannréttindi séu ekki brotin við meðferð persónuupplýsinga. Persónuvernd sinnir eftirliti með vinnslu persónuupplýsinga og að bætt sé úr annmörkum og mistökum.
Þú átt rétt á að fá að vita ef verið er að vinna með persónuupplýsingar um þig.
Fréttir og tilkynningar
Ný stjórn Persónuverndar
Þorbjörg Sigríður Gunnlaugsdóttir dómsmálaráðherra hefur skipað fjóra nýja aðalmenn og fjóra nýja varamenn í stjórn Persónuverndar til fimm ára, frá og með 10. júní 2025.
Ákvörðun Persónuverndar um öryggisveikleika í Heilsuveru staðfest í Héraðsdómi Reykjavíkur en sekt lækkuð
Í gær var kveðinn upp dómur Héraðsdóms Reykjavíkur í máli Embættis landlæknis á hendur Persónuvernd vegna ákvörðunar um öryggisveikleika í upplýsingavefnum Heilsuveru. Annars vegar gátu notendur í mæðraverndarhluta vefjarins, sem fengið höfðu aðgang að sónarmynd hjá annarri tveggja heilbrigðisstofnana, breytt tengistreng í vafra og þannig opnað sjúkraskrárupplýsingar annarra einstaklinga hjá viðkomandi stofnun. Hins vegar gátu allir notendur í skilaboðahluta Heilsuveru séð sér óviðkomandi samskipti með því að breyta vefslóð. Héraðsdómur staðfesti það mat Persónuverndar að um hefði rætt alvarlega veikleika og að skortur á öryggi gæfi tilefni til sektar. Aftur á móti var sektarfjárhæð lækkuð úr 12.000.000 króna í 8.000.000.