Fréttir
Umsókn um heimild til vísindarannsóknar á COVID-19
Tilkynning frá Persónuvernd
Að gefnu tilefni vill Persónuvernd koma eftirfarandi upplýsingum á framfæri.
Vegna umfjöllunar í fjölmiðlum nýverið vill Persónuvernd taka fram að í gær, föstudaginn 20. mars klukkan 12.45, barst Persónuvernd til umsagnar frá Vísindasiðanefnd umsókn frá Íslenskri erfðagreiningu um heimild til að gera rannsókn á faraldsfræði SARS-CoV-2-veirunnar og áhrifum erfða og undirliggjandi sjúkdóma á COVID-19-sjúkdóminn sem hún veldur.
Afgreiðsla málsins stendur yfir og fyrirhugað er að afgreiða það til Vísindasiðanefndar eigi síðar en fyrir lok mánudagsins 23. mars nk.