Sá sem vinnur með persónuupplýsingar er yfirleitt sá sem ber ábyrgð á því að unnið sé með þær í samræmi við lög og reglur. Oft getur verið vandasamt að ákvarða hver telst ábyrgðaraðili tiltekinnar vinnslu, en í slíkum tilvikum getur verið til leiðbeiningar að hann ákveði tilgang vinnslunnar, þann búnað sem notaður er og ráðstöfun upplýsinganna. Ábyrgðaraðilar geta hugsanlega verið fleiri en einn.