Fiskistofu heimilt að veita LÍÚ aðgang að upplýsingum

Fiskistofa óskaði eftir áliti Persónuverndar á því hvort heimilt væri að veita LÍÚ aðgang að upplýsingabrunni sínum, þ.e. fiskiskipaskrá og skrá um aflaheimildir, afla og ráðstöfun aflaheimilda einstakra fiskiskipa. Persónuvernd leit til þess að umrædd skrá hefur að geyma upplýsingar um aflahlutdeild einstakra skipa og úthlutun aflamarks til þeirra af auðlind sem telst sameign þjóðarinnar í skilningi laga um stjórnun fiskveiða. Persónuvernd gerði ekki athugasemdir við að Fiskistofa veitti LÍÚ aðgang að gögnunum.

Niðurstaða Persónuverndar.